Қазақстан Республикасы Экология және табиғи ресурстар министрлігі Жаһандық экологиялық қордың (бұдан әрі – ЖЭҚ) Ұлттық үйлестірушісі ретінде Қазақстанда ЖЭҚ шағын гранттар бағдарламасын іске асырудың жетінші кезеңінің грант алушыларына сертификаттар табыс етті.

Министрлік БҰҰДБ-мен бірлесіп іске асыратын ЖЭҚ-тың шағын гранттар бағдарламасы шеңберінде Қазақстанның түрлі облыстарынан 22 экологиялық бастамаға гранттық қолдау көрсетілді.

Бұл жобалар жаңартылатын энергияны дамытуға, табиғи ресурстарды тұрақты басқаруға, топырақты сақтау және қалпына келтіру әдістеріне, жайылымдарды тұрақты басқару әдістеріне және жергілікті қауымдастықтар арасында экологиялық хабардарлықты арттыруға бағытталған.

Іс-шара шеңберінде грант алушылар үшін стратегиялық жоспарлау, іске асырылып жатқан жобаларды мониторингілеу және бағалау, Шағын Гранттар бағдарламасы шеңберінде қаржылық есептілік бойынша тренингтер өтті, бұл бөлінген қаражатты пайдаланудың ашықтығы мен тиімділігіне, сондай-ақ гендерлік теңдік мәселелеріне ықпал ететін болады.

Қазақстанда ЖЭҚ Шағын Гранттар бағдарламасы 1997 жылдан бері жұмыс істейді және 374 жобаны қолдады.

Толығырақ

https://gefsgp.kz

сайтында. 

Ақпарат көзі: Министерство экологии, геологии и природных ресурсов Республики Казахстан