Шығыс Қазақстан облысының әкімі Ермек Көшербаев 12-13 қазанда Өскеменде өтетін XXII Халықаралық «Беловодье» орыс дәстүрлі фольклоры фестиваліне дайындық бойынша кеңес өткізді.

- Облысымызда орыс мәдениеті, өнері мен дәстүрлері жақсы сақталған. Біздің міндетіміз - шығысқазақстандықтардың бай рухани мұрасын сақтап, шығармашылық ұжымдарға көне әндер мен билерді көрсетуге мүмкіндік беру, - деп атап өтті өңір басшысы.

Облыс әкімі Достық үйі - қоғамдық келісім орталығының өкілдеріне орыс халық шығармашылығына арналған конференция өткізуді тапсырды. Келесі жылы Катонқарағай ауданының Коробиха ауылында қазақ және орыс халық шығармашылығының ауқымды фестивалін өткізу жоспарлануда.

Айта кетейік, «Беловодье» фестивалінде Қазақстан және Ресей түрлі өңірлерінен 25 ұжым өнер көрсетеді. Облыс тұрғындары мен қонақтары қолөнер жәрмеңкесін, хореография, ағаш, кесте және қолөнер бойынша шеберлік сыныптарын ұйымдастырады. Фестиваль қатысушыларды марапаттау рәсімі мен концертпен аяқталады.

Ақпарат көзі: ГУ «Аппарат акима Восточно-Казахстанской области»