Мемлекет басшысының тапсырмасына сәйкес, еллегі су тасқыны жағдайына байланысты ШЫҰ елдері Әділет министрлерінің 11-ші отырысы онлайн режимде өтеді.
Бейнеконференцияға ағымдағы жылдың 6 маусымында Үндістан, Иран, Қытай, Қырғызстан, Пәкістан, Ресей, Тәжікстан және Өзбекстанның Әділет министрлері қатысады.
Бұл формат құқықтық саладағы маңызды мәселелерді талқылауға және халықаралық ынтымақтастықты жалғастыруға септігін тигізбек. Сонымен қатар бюджет қаражатын үнемдеуге мүмкіндік береді.
2023 жылғы шілдеден 2024 жылғы маусымға дейін Қазақстан Республикасы Шанхай Ынтымақтастық Ұйымына төрағалық етеді.

Ақпарат көзі: Министерство юстиции Республики Казахстан