ШЫҰ-ҒА МҮШЕ МЕМЛЕКЕТТЕРДІҢ ҒЫЛЫМ ЖӘНЕ ТЕХНИКА МИНИСТРЛІКТЕРІ БАСШЫЛАРЫНЫҢ 8-ШІ ОТЫРЫСЫ

  19 маусым күні онлайн форматта қазақстандық тараптың төрағалығымен ШЫҰ-ға мүше мемлекеттердің ғылым және техника министрліктері мен ведомстволары басшыларының 8-ші отырысы өтті.

  ҚР Ғылым және жоғары білім министрі Саясат Нұрбек төрағалық етті. Отырысқа Үнді, Иран, Қытай, Қырғыз, Пәкістан, Ресей, Тәжік, Өзбек тараптары және ШЫҰ Бас хатшысының орынбасары Джанеш Кейн қатысты.

  Тараптар өз елдерінде жүргізіліп жатқан ғылыми-техникалық саясат туралы, сондай-ақ ғылым, технология және инновация саласындағы соңғы жетістіктер туралы хабардар етті.

  Отырыс шеңберінде ШЫҰ-ға мүше мемлекеттердің ғылым мен техника саласындағы ынтымақтастық мәселелері, атап айтқанда, 2022 жылғы 16 қыркүйекте Самарқандта қол қойылған жасанды интеллектті дамыту жөніндегі Шанхай Ынтымақтастық Ұйымына мүше мемлекеттердің ынтымақтастық бағдарламасын іске асырудың Жол картасы жобасы, ШЫҰ-ға мүше мемлекеттер арасындағы 2022-2025 жылдарға арналған басым салалардағы ғылыми-техникалық ынтымақтастық жөніндегі іс-қимыл жоспарын практикалық іске асыру мақсатында ғылыми жобаларды пилоттық іріктеуді дайындаудың жоспары талқыланды.

  Тараптар бірлескен ғылыми жобалардың алғашқы конкурстық іріктеуін 2024 жылғы желтоқсаннан кешіктірмей жариялауға дайын екендігі туралы хабарлады.

  Келесі отырыс 2025 жылы Қытайда өтеді деп жоспарлануда.

Ақпарат көзі: Қазақстан Республикасы Ғылым және жоғары білім министрлігі