Шымкент қаласы Төтенше жағдайлар департаментінің қолдауымен  2024 жылғы  10-15 маусым аралығында Шымкент қаласында   өрт сөндіру-құтқару спорты бойынша  ерлер мен әйелдер құрама командаларының арасында Қазақстан Республикасының кубогына VII турнир өтеді.

Турнирге еліміздің 300-ге жуық спортшылары қатысады. Жарыс төрт дисциплина бойынша өтеді: шабуыл сатысымен көтерілу, кедергілері бар 100 метрлік жолақтан өту, 4х100 м өрт эстафетасы және жауынгерлік қанат жаю.

2024 жылғы 11 маусымда өрт сөндіру-құтқару спорт бойынша Қазақстан Республикасының кубогына VII турнирінің  мандаттық комиссиясы өтті. Отырысқа төрешілер, облыстар мен қалалардың  ТЖД құрама командаларының жаттықтырушылары мен команда өкілдері қатысты.

Отырыс барысында жарысқа дайындық және алдағы кезеңдегі міндеттер туралы баяндамалар жасалып, командалар жеребе тастады.

Турнир  12 маусымда сағат 10.00-де Шымкент қаласы Қ.Мұңайтпасов атындағы орталық стадионда басталады. Жарыс 4 күнге созылады. 

Шымкент қаласы ТЖД баспасөз қызметі 

Ақпарат көзі: Министерство по чрезвычайным ситуациям Республики Казахстан