Шымкент қаласы ТЖД бұқаралық ақпарат құралдары өкілдерімен «Кроссфит» жарысын өткізді. Жарыстың мақсаты-өрт сөндірушілердің және құтқарушылардың бұқаралық ақпарат құралдары арқылы қызметін насихаттау және имиджін көтеру. Жарыстың ашылу салтанатында Департамент бастығының міндетін атқарушы азаматтық қорғау полковнигі Е.Отарғалымұлы сөз сөйледі. Ол өз сөзінде қоғамдағы БАҚ өкілдерінің атқарып жүрген жұмыстарына тоқталды. Сондай-ақ, журналистер қауымын мерекемен құттықтап, билік пен халық арасында алтын көпір болып отырған журналистер қауымының қызметтеріне тоқталып, жарысқа қатысушы командаларға сәттілік тіледі.

БАҚ өкілдерімен өткізілген «Кроссфит» жарысы 4 кезеңнен тұрды. Атап айтқанда «Дабыл бойынша шығу,команда құрамында жауынгерлік киім кию», «Күш жүктемесімен жаттығу», «Қалқанға су жібере отырып, жауынгерлік қанат жаю», «Зардап шеккен адамды құтқару».  Оған жергілікті «Айғақ», «Оңтүстік», «Отырар» телеарналарының өкілдері  қатысып, құтқару құралдарын қолдану бойынша практикалық тапсырмаларды орындады, өртті сөндірудің негізгі элементтерін пысықтады және өрт сөндіруші-құтқарушылардың арнайы костюмдерін киді. Жарыста спорт шеберлері төрешілік етті.

Жарыстың әр кезеңде күлімсіреуге қарсы тұру мүмкін болмады: жауынгерлік киімді кию, өрт жеңдерімен су беру, зардап шеккен адамды құтқару – осының бәрі жарысқа қатысушылар мен оларды бақылаушыларға көптеген жағымды эмоциялар әкелді.  Ең бастысы, қазір журналистер өртке қарсы қызметінде әрбір кезекшілікке өрт сөндірушілерге басқа адамдарды құтқару үшін қауіп төнген кезде қаншалықты қиын және өте жауапкершілікпен қызмет ету керектігін нақты біледі.

«Кроссфит» жарысының қорытындысы «Зардап шеккен адамды құтқару» кезеңімен аяқталды. БАҚ командалары жарыс қорытындысы бойынша дипломмен және бағалы сыйлықпен, өкілдері Департамент бастығының алғыс хатымен марапатталды. 

Шымкент қаласы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан