Елордалық ТЖД-да ТЖ вице-министрі Ерлан Нұрпейісовтің төрағалық етуімен Шанхай Ынтымақтастық Ұйымының саммиті кезіндегі өрт қауіпсіздігін қамтамасыз ету, тартылатын күштер мен құралдардың дайындығы бойынша отырыс өтті.

Отырыс барысында Астана қаласы және Ақмола облысы ТЖД бастықтарының орынбасарлары, Астана қаласы Өрт сөндіру қызметінің бастығы және Астана Өнеркәсіптік қауіпсіздік департаменінің бастығы саммитке дайындықтары, өрт қауіпсіздігінің талаптары сақталуы, жеке құрамның, техниканың дайындығы жөнінде баяндады. Сонымен қатар бірқатар ұйымдастырушылық мәселелер талқыланды.

Елордада ШЫҰ саммиті өтуі кезінде Ақмола және Қарағанды облыстарының ТЖД жеке құрамы мен техникасы қосымша жұмылдырылатын болады.

 Астана қаласы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан