Бүгін облыс әкімі Ермек Көшербаев Словакия Республикасының Қазақстандағы елшісі Роберт Кирнагпен және Дүниежүзілік банктің  Қазақстандағы және Түркіменстандағы тұрақты өкілі Андрей Михневпен кездесті. Жүздесу барысында тараптар өзара ынтымақтастықтың басым бағыттарын талқылады. Аймақ басшысы ауыл шаруашылығын ерекше атап өтті. 

- Біз шағын және орта кәсіпті қолдауға баса назар аударамыз. Өңірде бұл саласын дамыту үшін «Ауыл аманаты» бағдарламасы өз септігін тигізіп отыр. Аграрлы секторды өркендету үшін де барлық ресурстар бар. Сондай-ақ туризм саласында да оң өзгерістер бар. Катонқарағай мен Зайсан аудандарында жаңа әуежайлардың бой көтеруі де маңызды рөл ойнайды, - деді  Ермек Көшербаев.

Сонымен қатар ол Шығыс Қазақстанның жүк тасымалының транзиттік дәлізі екенін де ерекше атап өтті. Сол себепті логистикалық жобалар өңір үшін өзекті саналады. 

Айта кету керек, Дүниежүзілік банктің Қазақстандағы портфелінде құны төрт миллиард АҚШ долларынан асатын сегіз жоба бар.

Ақпарат көзі: ГУ «Аппарат акима Восточно-Казахстанской области»