Шымкент қаласының дін істері басқармасының басшысы Бахтияр Өнербаев пен басқармаға қарасты «Дін мәселелерін зерттеу орталығы» КММ-нің теолог маманы Амангелді Нұрдаулеттің қатысуымен «Мирас» колледжінің студенттеріне «Экстремизм мен терроризмді насихаттайтын интернет ресурстарының қауіптілігі» тақырыбында ақпараттық-түсіндірме жұмыстары жүргізілді.

Кездесу барысында бүгінгі қоғамдағы рухани, мәдени және әлеуметтік мәселелер туралы кеңінен әңгіме өрбіді.

Кездесуде қоғамдағы жат ағымдардың насихаттық жұмыстарының алдын алу, ақпарат кеңістігіндегі теріс діни ағымдардың үгіт-насихаттарына тосқауыл қою, дәстүрлі діни иммунитетті қалыптастыру, сонымен қатар, дінге қатысты сұрақтар туындаған жағдайда тек қана ресми парақшалар мен дін саласының мамандарынан ақпарат алу қажеттігі түсіндірілді.

Іс-шара барысында басқарма басшысы қазіргі таңдағы дінге байланысты өзекті мәселелерді сөз етті, жастарға дұрыс бағыт-бағдар берудің маңыздылығына тоқталды.

Материал Шымкент қаласы бойынша ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы