Атырау облысы Терроризмге қарсы комиссиясының қолдауымен, «Жәрдем-Атырау» КҚ-ның ұйымдастыруымен Атырау индустриалды колледжінің студенттерімен «Дін және құқық» тақырыбында кездесу өткізілді.

Шараға АТТ мүшелері, «Жәрдем-Атырау» КҚ-ның теолог-маманы Ринат Қалмазұлы және Атырау облысы Дін істері басқармасының бас маманы Ерлан Ерғалиев қатысып, ақпараттық-түсіндіру жұмыстарын жүргізді. Шараға 100-ге жуық студент қатысты.

Ақпараттық түсіндіру тобының мүшелері кездесу барысында теріс діни ағымдардың қауіптілігі мен діни сауатсыздық салдарынан болатын бірқатар жайттар туралы түсіндіріп, толық мағлұмат берді.

Әлеуметтік желіде қараған, бөліскен әрбір діни ақпаратқа мұқият болып, заңға қайшы келетін әрекеттерден аулақ болуға шақырды.

Сондай-ақ, қазақтың бағзыдан ұстанған діні мен дәстүрін сақтауға, халқымыздың мәдениетін, руханиятын жаңғыртуға шақырды.

Студенттер жастар шара соңында өз ойларын жеткізіп, сауалдарын жолдады.

Материал Атырау облысы бойынша ТҚК

аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы