Көптеген қазақстандықтарды баспанасыз қалдырған табиғи апат, әрине, бүкіл ел үшін қайғылы жағдайға айналды. Зиянды азайту және әлі зардап шекпеген елді мекендерді құтқару үшін еріген сулар пайда әкелетін жерге бағытталады. Бұған Күршім ауданындағы Тораңғы көлі мысал бола алады.
Соңғы жылдары құрғақ ауа райына байланысты Күршім ауылдық округінің аумағында орналасқан Тораңғы көлінің радиусы 500 метрге азайды, бұл жануарлар дүниесі мен көптеген балық түрлерінің санының азаюына әкелді. Су деңгейінің одан әрі төмендеуі елеулі экологиялық апатқа әкелуі мүмкін.
- Күршім ауданында көктемгі су тасқынының алдын алу және көлді қалпына келтіру мақсатында Сарыөлең ауылында Жауғашты каналының 15 шақырымын тазарту және «Кубань» учаскесінде ұзындығы 4,5 шақырым су өткізу каналын кеңейту жүргізілді. Қазір мамандар «Тораңғы» көлінде су деңгейін қалпына келтіру жұмыстарын жүргізуде. Сонымен қатар техникаға арналған көпір құрылысы басталды, - деп хабарлады Күршім ауданының әкімдігі.
Жұмыстарға: кран, тиегіш, екі Камаз, шынжыр табанды экскаватор, 1,5 тонналық тиегіш және 10 адам қатысады.
- Көлді сумен толтырған жағдайда балық шаруашылығының әлеуеті артады, сондай - ақ су айдынында басқа да қызмет түрлерін жүргізуге мүмкіндік береді, - деп толықтырды аудан әкімшілігі.
Айта кетейік, Шығыс Қазақстанда әкімдік аграршылармен бірлесіп ауыспалы егісті қайта қарау және көктемгі және жазғы кезеңге арналған дақылдарды ылғалмен қамтамасыз ету бойынша жұмыстарды бастады.

Ақпарат көзі: ГУ «Аппарат акима Восточно-Казахстанской области»