Қазіргі уақытта адамдардың қазасын болдырмау мақсатында, Атырау облысы ТЖД құтқарушылары судағы қауіпсіздік бағытындағы профилактикалық жұмыстарды қарқынды түрде жүргізуде.

Рейд барысында құтқарушылар тұрғындарға түсіндірме жұмыстарын жүргізіп, су айдындарында адамдардың қаза болу статистикасын жеткізіп, жадынамаларды таратуда.

Облысымызда орын алған су тасқыны жағдайыны байланысты, Атырау облысы ТЖД суға түсу маусымының ресми түрде ашылуын күтулеріңізді сұрайды. Себебі, жағажайлардың асты әлі қоқыстардан тазартылған жоқ, суда буйлық шектеу белгілері де қойылған жоқ.

Қазіргі уақытта Жайық өзені өз арнасына әлі түскен жоқ, сол себепті ағыс қатты болғандықтан суға түсу өте қауіпті.

Құрметтті тұрғындар! Судағы қауіпсіздік ережелерін қатаң сақтаңыздар! Балаларды су айдындарында қараусыз қалдырмаңыздар!

Атырау облысы ТЖД

Қоғаммен байланыс тобы

Ақпарат көзі: Министерство по чрезвычайным ситуациям Республики Казахстан