Түркістандық құтқарушылар өрт қауіпсіздігі  аясында лагерлер объектілерінде алдын алу жұмыстарын бастады. Соның бірі Түлкібас ауданының Кершетас ауылында  орналасқан «Машат Арасан» жазғы балалар сауықтыру лагеріне шартты түрдегі өртті сөндіру бойынша өрт-тактикалық оқу-жаттығу өтті.

Оқу-жаттығудың жоспары бойынша сабақ кезінде жергілікті лагер ғимаратында автоматты өрт дабылы іске қосылды. Білім беру мекемесінің 500 демалушы балалар персоналдың бақылауымен ТЖ аймағынан жақын жердегі эвакуациялық шығу жолдары арқылы қауіпсіз орынға өз бетінше эвакуацияланды.

Шынайы өмірде, өрт немесе басқа да төтенше жағдайлар кезінде қиын жағдайларда балалар жылдам және тез арада дұрыс шешім табуы маңызды. Демалу кезеңі барысында демалушылар мен  қызметкерлерінің қауіпсіздігін қамтамасыз ету – әкімшіліктің басты міндеттерінің бірі.

Жаттығуға қатысушылар мектеп ғимаратынан шұғыл эвакуация жағдайында нормативтерге сәйкес іс-қимылдарды пысықтады. ТЖБ бастығының орынбасары азаматтық қорғау полковнигі А.Сарбатов пен Қызмет бастығы азаматтық қорғау полковнигі Д. Қыдырмоллаев оқу эвакуациясы үйлесімді, ерекше ескертулерсіз өткенін атап өтті.

Аталмыш оқу-жаттығулар жақын арада облыстың басқа аймақтарында да жоспарланған. Сонымен қатар, білім беру мекемелерінде ұйым басшыларымен және педагогтармен қауіпсіздік шараларын сақтау бойынша қосымша нұсқаулықтар өтеді. Құтқарушылар эвакуация бойынша әңгімелер, дәрістер, практикалық жаттығулар, оқушыларды өртке қарсы сауаттылық негіздеріне оқыту бойынша ашық сабақтар өткізді.

Түркістан облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан