ТЖМ аппарат басшысының міндетін атқарушы Е.Ж. Бахаевтың төрағалығымен аумақтық бөлімшелер, М. Ғабдуллин атындағы Азаматтық қорғау академиясы басшыларының және әскери бөлімдер командирлерінің қатысуымен бейнеконференцбайланыс режимінде жеке құрамның қызметтік-әскери тәртіпті сақтау мәселесі бойынша жұмыс кеңесі өтті.

«2024 жылдың 8 айындағы тәртіптің, заңдылықтың және сыбайлас жемқорлыққа қарсы іс-қимылдың жай-күйі» тақырыбында ТЖМ Кадр және тәрбие жұмысы департаменті Жеке құрам жөніндегі инспекция басқармасының бастығы А.А. Бейсенбеков баяндама жасады.

ТЖМ құрылымдық және аумақтық бөлімшелерінде, сондай-ақ оның ведомстволық бағынысты мемлекеттік мекемелері мен ұйымдарында азаматтық қорғау органдарының қызметкерлері арасында сыбайлас жемқорлық құқық бұзушылықтарының алдын алу және оларға жол бермеу мақсатында Сыбайлас жемқорлыққа қарсы іс-қимыл жөніндегі уәкілетті органның өкілдерін шақыра отырып, тұрақты негізде семинарлар өткізіледі.

Мәселен, қаралып отырған кезеңде ТЖМ – де 262 семинар, дәріс, дөңгелек үстел өткізілді, оның ішінде "Аманат" партиясы мен Қазақстан Республикасы Сыбайлас жемқорлыққа қарсы іс – қимыл агенттігі өкілдерінің қатысуымен сыбайлас жемқорлыққа қарсы тақырыбында, 26 бейнеролик көрсетілді, БАҚ интернет-ресурстарында 142 жарияланым, жедел және аппараттық кеңестерде тәртіп және сыбайлас жемқорлық мәселелері 48 рет қаралды, сондай-ақ сыбайлас жемқорлық және өзге де құқық бұзушылықтар үшін қылмыстық жауаптылыққа тартылған адамдарды ұстау шарттарын көрсету үшін қылмыстық-атқару жүйесінің түзеу мекемелерінің жеке құрамының аралауы жүзеге асырылады.

Сонымен қатар квазимемлекеттік сектор субъектілерінде сыбайлас жемқорлыққа қарсы комплаенс-қызметтердің функцияларын орындайтын, тиісті ұйымның және оның қызметкерлерінің сыбайлас жемқорлыққа қарсы іс-қимыл туралы заңнаманы сақтауын қамтамасыз ететін құрылымдық бөлімшелер айқындалды, сондай-ақ ТЖМ-нің барлық бөлімшелерінде жыл сайын сыбайлас жемқорлық тәуекелдеріне ішкі талдау жүргізіледі, оның қорытындысы бойынша оларды жоюға тиісті шаралар қабылданады.              

ТЖМ Кадр және тәрбие жұмысы департаменті

Ақпарат көзі: Министерство по чрезвычайным ситуациям Республики Казахстан