Тәжікстанда ҰҚШҰ «Рубеж» оқу-жаттығуының белсенді кезеңі басталды
Тәжікстанда ҰҚШҰ «Рубеж» оқу-жаттығуының белсенді кезеңі басталды
Тәжікстанда ҰҚШҰ «Рубеж» оқу-жаттығуының белсенді кезеңі басталды
Тәжікстанда ҰҚШҰ «Рубеж» оқу-жаттығуының белсенді кезеңі басталды
Тәжікстанның «Харбмайдон» полигонында Орталық Азия өңірінің Жедел өрістету ұжымдық күштерінің «Рубеж-2024» бірлескен оқу-жаттығуы ашылды.
Оқу-жаттығудың салтанатты ашылу рәсіміне Қарулы күштер Бас штабының бастығы – Тәжікстан Қорғаныс министрінің бірінші орынбасары генерал-лейтенант Эмомали Собирзода, ҰҚШҰ Біріккен штабы бастығының бірінші орынбасары генерал-лейтенант Хасан Калоев, Қазақстан, Қырғызстан, Ресей және Тәжікстан Қарулы күштерінің өкілдері қатысты.
Оқу-жаттығуға қатысушыларды құттықтаған генерал-лейтенант Эмомали Собирзода Жедел өрістету ұжымдық күштерінің рөлін және Орталық Азия аймағында қауіпсіздікті қамтамасыз ету мақсатында қазіргі заманғы сын-тегеуріндер мен қауіп-қатерлерге қарсы тұру үшін күш біріктіру қажеттігін атап өтті.
Өз кезегінде ҰҚШҰ Біріккен штабы бастығының бірінші орынбасары генерал-лейтенант Хасан Калоев әскери контингенттер орындайтын оқу-жауынгерлік тапсырмаларды белгіледі.
Қазақстандық әскери делегацияны ҚР Қарулы күштері Бас штабы Жедел жоспарлау департаменті бастығының орынбасары полковник Дәурен Абдулин бастап барды. Ол оқу-жаттығу ҰҚШҰ-ға қатысушы мемлекеттер арасындағы өзара іс-қимылды нығайтуға және басқару органдары мен әскери бөлімшелер офицерлерінің даярлық деңгейін арттыруға ықпал ететінін атап өтті.
Оқу-жауынгерлік тапсырмаларды жаттығудың өзге қатысушыларымен бірлесіп, ҚР Қарулы күштері Десанттық-шабуылдау әскерлерінің әскери қызметшілері де орындауда.
Жауынгерлік іс-қимылдар артиллерия, шабуылдаушы және армиялық авиацияны қолдана отырып, таулы-шөлді жерлерде жүргізілмек. Заңсыз қарулы құралымдарды жою және басып алынған нысандарды босату барысында тактикалық әуе десанты түсіріліп, мемлекеттік шекара учаскесі қалпына келтірілетін болады.
Әуе шабуылына қарсы қорғаныс, радиоэлектрондық күрес, ҰҰА күштері мен құралдарын қолдана отырып, жауынгерлік іс-қимылдарды жүргізуге және оларға қарсы іс-қимылға ерекше назар аударылмақ.
«Рубеж-2024» бірлескен оқу-жаттығуына Қазақстанның, Қырғызстанның, Ресейдің, Тәжікстанның әскери контингенттері, Біріккен штабтың және ҰҚШҰ Хатшылығының жедел топтары қатысады. Барлығы 1500-ге жуық әскери қызметші, 250 әскери және арнайы техника, оның ішінде ұшақтар, тікұшақтар мен дрондар тартылған.
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
