Төтенше жағдайлар министрлігі Ұлттық волонтерлік желімен бірлесіп табиғи және техногендік сипаттағы ТЖ-ға ден қою саласындағы волонтерлердің республикалық форумына қатысуға конкурс өткізеді.

Өтінімдер 2024 жылдың 16 тамызына дейін қабылданады. Сараптамалық комиссияның шешімі 27 тамызда ТЖМ және облыстардың, республикалық маңызы бар қалалардың және астананың ТЖД интернет-ресурстарында жарияланады.

Конкурсқа 21-ден 40 жасқа дейінгі (қоса алғанда) ел азаматтары қатыса алады. Өтінім беру кезінде волонтердің ТЖ саласындағы волонтерлікте бір жылдай тәжірибесі болуы керек. Іске асырылған жобалар бойынша растайтын құжаттарды, сертификаттарды, алғыс немесе ұсыным хаттарды, жарияланымдарды немесе волонтерлік өтілін растайтын басқа құжаттарды ұсынуға да болады.

2023 жылы өткен форумға қатысушылар биыл қатыса алмайды.

Форум 11-15 қыркүйек аралығында Алматы облысындағы Тамғалы Тас шатқалында орналасқан «Жартасты қала-Астана» оқу–жаттығу полигонының базасында өтеді.

Байқау ережесімен мына сілтеме бойынша танысуға болады:

https://drive.google.com/file/d/1f9hiyH_LUF0_UPqzQL9vmOWMg4EsPe-H

Барлық сұрақтар бойынша мына нөмірге хабарласуға болады: +7 708 706 4242.

Ақпарат көзі: Министерство по чрезвычайным ситуациям Республики Казахстан