2024 жылғы 10 шілдеде «ҚТЖ» Алматы бөлімшесі өз күшімен цистернадан тұз қышқылының төгілуіне байланысты шартты апатты жоюға тырысты.

Бұл аса маңызды міндеттің орындалуын Мемлекеттік күзет қызметінің қатысуымен Астанадан келген ТЖМ Азаматтық қорғаныс және әскери бөлімдер комитетінің, Көлік министрлігінің «ҚТЖ» ҰК» АҚ қызметкерлері құрамындағы арнайы топ бағалады. Қышқылдың төгілуінің максималды шынайылығы үшін су толтырылған тесік цистерна қолданылды. «Тұз қышқылының әрбір тамшысы - үлкен қауіп, сондықтан оқу - жаттығудың барлық қатысушыларының жабдықталуына басты назар аударылады», - деп оқу-жаттығу жетекшісі полковник Қасым Қайрат түсіндірді.

Айта кетейік, іс жүзінде төгілу орнын бекіту, табандық орнату, төгілу орнын бейтараптандыру, оны үйінділеу, химиялық барлау, су пердесін орнату, құтқарушыларды санитарлық залалсыздандыру бойынша іс-шаралар егжей-тегжейлі пысықталды.

Қосымша нәтиже ретінде ТЖМ РХБҚ, Азаматтық қорғаныс және әскери бөлімдер комитетінің, Қорғаныс министрлігі және ҰҰ әскери бөлімдерінің, Алматы қ. ТЖД, ПД, Санитарлық-эпидемиологиялық бақылау департаментінің, әкімдіктің құтқару қызметінің бөлімшелері арасындағы өзара іс-қимыл пысықталды.

Ақпарат көзі: Министерство по чрезвычайным ситуациям Республики Казахстан