Қызылорда облысының Өңірлік коммуникациялар қызметінде «Өзіңнен баста!» челленджінің өткізілуі және балардың терезеден құлаудың алдын алу туралы брифинг ұйымдастырылды. Спикер ТЖД Төтенше жағдайлардың алдын алу бөлімінің бастығы Бейбітхан Спанов болды.

Өңірде «Өзіңнен баста!» атты челлендж аясында рейд, акция, түсіндіру жұмыстары жүргізілуде. Мақсаты – балалардың терезеден құлап кетпеуін қадағалау.

Облыста балалардың терезеден құлауы бойынша 13 факті тіркеліп, соның салдарынан 1-7 жас аралығындағы 14 бала түрлі жарақаттар алды. Балалардың терезеден құлау фактісінің басты себебі – ата-аналардың балаларды бақылаусыз қалдыруы. Сондай-ақ, терезеде уақытша бекіткіш торлардың болмауы мен москит торларының берік бекітілмеуі, балалардың терезенің алдында ойнауы. Облыс аумағында орналасқан көпқабатты тұрғын үйлердің, шағын маркет, сауда орындарының кіре беріс есіктерінің тұсына үгіттеу-түсіндіру парақтары ілініп, дауысзорайтқыш арқылы тұрғын үй ауласында ескерту-түсіндіру іс-шаралары жалғасуда. Өйткені, баланың қауіпсіздігі бәрінен маңызды.

Қызылорда облысы ТЖД

Ақпарат көзі: Министерство по чрезвычайным ситуациям Республики Казахстан