16 тамызда Адам құқықтары жөніндегі уәкіл аппаратының басшысы Салтанат Тұрсынбекова бастаған топ Ақтөбе облысының ауылдық округтері әкімдерінің өкілдерімен кездесті. Кездесу барысында жергілікті атқарушы органдардың басшылары Уәкіл мекемесінің, оның өңірлік өкілінің қызметімен, сондай-ақ Уәкілдің «Тұрмыстық зорлық-зомбылықпен күрес туралы» баяндамасынан кейбір үзінділермен танысты.

Мәселен, ағымдағы жылы АҚЖУ Ақтөбе облысы бойынша өкіліне азаматтардан 122 жазбаша өтініш түсіп, жергілікті атқарушы органдар мен олардың лауазымды тұлғаларының әрекеттері мен бейжайлығына шағымдар болған.Халықты құқықтық тәрбиелеуге ерекше көңіл бөлініп жатыр. Бұл саладағы жұмысты күшейту қажеттігін Мемлекет басшысы Қасым-Жомарт Тоқаев бірнеше рет атап өткен болатын. Ақпараттық ресурстар мен заңгерлік көмекке қолжетімділіктің шектелуіне байланысты құқықтардың бұзылуы мен қылмыстардың басым бөлігі шеткі аймақтарда орын алатыны атап өтілді.Құқықтық білім беру Омбудсмен кеңсесі қызметіндегі басты міндеттердің бірі болып табылады. Құқықтар мен бостандықтарды қорғауды түсіндіру, заңсыз шектеулер мен құқық бұзушылықтарға, тұрмыстық зорлық-зомбылық пен гендерлік теңсіздікке қарсы тұру сияқты мәселелер басты назарда болуда.

«Заңды білімі бар азаматтардың қылмыс жасау мүмкіндігі аз. Заңдар мен құқықтарды түсіну қоғамның әділ және тиімді жұмыс істеуіне ықпал етеді. Осыған байланысты әкімдер халықтың құқықтық сауаттылығын арттыруға, азаматтардың құқықтары мен мүдделерін қорғауға бағытталған жұмысты жандандыру, сондай-ақ Адам құқықтары жөніндегі уәкілдің ұсынымдарының орындалуын бақылауға алуы қажет», - деп атап өтті Адам құқықтары жөніндегі уәкіл кеңсесінің өкілдері.

Өз тарапынан кеңсе тығыз қарым-қатынас пен қолдау көрсетуге ниетті екенін білдірді.

Ақпарат көзі: Қазақстан Республикасындағы Адам құқықтары жөніндегі уәкіл