Адам құқықтары жөніндегі уәкілдің Абай облысы бойынша өкілі Д.Жұмагелдинге егде жастағы әйел «Еңбек ардагері» медалін алуға көмектесуін сұрап жүгінді.

Өтініш беруші темір жолда 43 жылдан астам уақыт бойы еңбек етіп, мінсіз қызметі үшін бірнеше рет грамоталармен және алғыс хаттармен марапатталған. Алайда ол зейнеткерлікке шыққаннан кейін, сол кездегі жолаушылар тасымалы құрылымын қайта құру процестеріне байланысты оның еңбегі ескерілмеді.

Уәкіл өкілі уәкілетті мемлекеттік органдарға, атап айтқанда, Қазақстан Республикасы Көлік министрлігінің Темір жол және су көлігі комитетіне өтініш берушіге «Еңбек ардагері» атағын беруге жәрдемдесуді сұрап хат жолдады.

Жасалған жұмыстардың нәтижесінде Қазақстан Республикасының Көлік министрі тиісті бұйрыққа қол қойды. Көптен күткен медаль зейнеткерге салтанатты жағдайда табыс етілді

Ақпарат көзі: Қазақстан Республикасындағы Адам құқықтары жөніндегі уәкіл