Бүкіл әлемде 5 желтоқсанда аталып өтетін Халықаралық еріктілер күніне орай Астанада «Volunteer FEST-2024» фестивалі өтеді, деп хабарлайды елорда әкімдігінің ресми сайты.

5 желтоқсан бүкіл әлемде басқаларға өз еркімен көмектесетін және қоғамның дамуына үлес қосатын адамдарға арналған.

Осыған байланысты 3 желтоқсан күні сағат 17.00-де Еркеғали Рахмадиев атындағы Мемлекеттік академиялық филармонияның концерт залында «Volunteer FEST-2024» фестивалі өтеді.

Фестиваль аясында елорданың дамуына баға жетпес үлес қосқан 70-тен астам ерікті ұйым марапатталады. Наградалар 8 бағыт бойынша беріледі: экологиялық волонтерлік, әлеуметтік волонтерлік, төтенше жағдайлар және жоғалған адамдарды іздестіру кезіндегі волонтерлік, инклюзивті волонтерлік, Event волонтерлік, қоғамдық тәртіп волонтерлігі, медицина саласындағы волонтерлік, жануарларды қорғау жөніндегі волонтерлік.

Кешке қоғам қайраткерлері, танымал эстрада жұлдыздары, медиа тұлғалар, сондай-ақ блогерлер қатысады. Іс-шара барысында фотокөрме ұйымдастырылады.

Ақпарат көзі: ГУ «Аппарат акима города Астана»