Адам құқықтары жөніндегі уәкілдің Астана қаласы бойынша өкілі Қазақстан Республикасы Ішкі істер министрлігі Қылмыстық-атқару жүйесі комитетінің №2 мекемесінде болды.

Жеке қабылдауда сотталған азамат Уәкіл өкіліне өзінің мүгедек екенін және 7 жылдан бері төсек тартып жатқанын айтты.

Ер адам бұған дейін Ақмола облысының Аршалы аудандық соты шартты түрде мерзімінен бұрын босату туралы өтінішін қанағаттандырмағанын жеткізді. Осыған байланысты ол Адам құқықтары жөніндегі уәкілдің өкілінен денсаулығының ауыр жағдайына байланысты шартты түрде мерзімінен бұрын босатылуына көмектесуін сұраған.

Өкіл Ақмола облысы Аршалы ауданының прокуратурасына мерзімінен бұрын шартты түрде босату туралы өтінішті қанағаттандыру туралы тиісті ұсыныс жолдады.

Ұсыныс қанағаттандырылып, шартты түрде мерзімінен бұрын босату туралы сот шешімі прокуратура тарапынан қолдау тапты. Соттың шешімімен мүгедектігі бар азаматты шартты түрде мерзімінен бұрын босату туралы өтінішхаттар қанағаттандырылды.

Ақпарат көзі: Қазақстан Республикасындағы Адам құқықтары жөніндегі уәкіл