Адам құқықтары жөніндегі уәкілдің Түркістан облысы бойынша өкілінің Сайрам ауданына қызметтік сапары кезінде әрекетке қабілетсіз 5 азаматтың туыстары хабарласты.

Өз шағымдарында олар сот шешімімен әрекетке қабілетсіз туыстарына 5 жыл бойына қорғаншылық тағайындата алмай жүргендіктерін айтқан.

Уәкілдің өңірдегі өкілі сот оларды әрекетке қабілетсіз деп тану туралы шешім қабылдағанын, бірақ тиісті органдарға дер кезінде хабарлама жібермегенін, осыған байланысты қорғаншылықты рәсімдеу мүмкін болмағанын анықтады.

Шешімді алғаннан кейін өкіл Сайрам ауданы әкімдігіне ұсыныс жолдады. Нәтижесінде, Сайрам ауданы әкімінің шешімімен әрекетке қабілетсіз 5 азаматтың туыстарына қорғаншылық берілді.

Ақпарат көзі: Қазақстан Республикасындағы Адам құқықтары жөніндегі уәкіл