2024 жылдың 25 сәуірінде Әділет министрі Азамат Есқараевтың төрағалығымен «Әкімшілік және қылмыстық құқық бұзушылықтың жаңа тұжырымдамаларын әзірлеу» тақырыбында дөңгелек үстел өтті.
Іс-шараға Парламент депутаттары, шетелдік сарапшылар, орталық мемлекеттік органдар мен сот жүйесінің өкілдері, Германияның құқық саласындағы халықаралық ынтымақтастық қоғамының (GIZ) және жоғары оқу орындары мен ғылыми қоғамдастық өкілдері қатысты.
Аталған дөңгелек үстелдің мақсаты – әкімшілік және қылмыстық құқық бұзушылықтың жаңа тұжырымдамаларының нақты критерийлерін әзірлеу.
Іс-шара барысында қатысушылар анықталған мәселелер бойынша әкімшілік және қылмыстық құқық бұзушылықты ажырату критерийлері, қылмыстық құқық бұзушылықтар институтының проблемалық мәселелері, әкімшілік және қылмыстық құқық бұзушылық ұғымдарын қайта қарау, әкімшілік құқық бұзушылықтар үшін әкімшілік рәсімдік процесстік кодекс көлемінде жазалар, қылмыстық заңнаманы үлгілеу және т.б мәселелері бойынша өз пікірлерін білдірді.
Осы дөңгелек үстел барысында талқыланған мәселелердің нәтижелері одан әрі норма шығару іс-шараларына негіз болады.

Ақпарат көзі: Министерство юстиции Республики Казахстан