2024 жылғы 28 қазанда Қызылорда қаласында Қазақстан-CNPC II техникалық семинары жұмысын бастады. Іс-шараға Қызылорда облысының әкімі Нұрлыбек Нәлібаев, «ҚазМұнайГаз» ҰК АҚ-ның басқарма төрағасы Асхат Хасенов, Энергетика вице-министрі Құдайберген Арымбек, CNPC Қытай мұнай-газ корпорациясы бас директорының орынбасары Чжан Даовэй, CNODC бас директоры Хэ Вэньюань және саланың техникалық мамандары қатысты.

Техникалық семинар аясында Қ. Арымбек құттықтау сөз сөйледі. Энергетика вице-министрі 2024 жылы инвестициялық ахуалды жақсартуға және әкімшілік рәсімдерді азайтуға бағытталған жер қойнауын пайдалану саласындағы заңнамаға енгізілген өзгерістер туралы атап өтті. Соңғы 10 жылда Қызылорда облысында мұнай өндірудің жылдық көлемі 3 есеге төмендеді. Мұндағы маңызды кен орындарының көпшілігі мұнай өндіру деңгейінің төмендеуімен игерудің 3-ші және 4-ші сатыларында. Ұңғымаларды бұрғылауға және күрделі жөндеуге арналған күрделі шығындардың қысқаруы байқалады.

Кеңеске қатысушылар өңірдегі бірлескен жобаларды дамыту стратегиясы мен одан әрі ынтымақтастық жөнінде пікір алмасты.

Техникалық семинар аясында Энергетика министрлігі, Қызылорда облысының әкімдігі және «Қазгермұнай» БК» ЖШС арасында Қызылорда қаласын әлеуметтік-экономикалық дамытуға арналған инвестициялық жобаның үш жақты меморандумына қол қойылды.

Ынтымақтастық газ саласына инвестицияларды ынталандыруға және одан әрі жеткізу және Қызылорда облысының қажеттіліктерін қанағаттандыру үшін сұйытылған мұнай газын өндіруді ұлғайтуға бағытталған.

Ақпарат көзі: Министерство энергетики Республики Казахстан