Мемлекет басшысының  Жарлығымен қызметтік борышын атқаруда жанқиярлығы, сондай-ақ еліміздегі су тасқыны кезеңіндегі көрсеткен ерлігі үшін  Ерлан Мұстафин мемлекеттік

награда «Ерлігі үшін»

медалімен марапатталды.  

         Ерлан Мұстафин – құтқарушының күнделікті жұмысында кездесетін  барлық қиындықтар мен қауіптерге қарамастан, күн сайын адамдардың өмірі мен қауіпсіздігін күзететін нағыз қаһарман. Оның адалдығы мен кәсібилігі барлығына үлгі.

        Азаматтық қорғау жүйесінде 22 жыл еңбек еткен Мұстафин Ерлан Амангелдіұлы қатардағы құтқарушыдан жедел-құтқару жасағының бөлім бастығына дейінгі ұзақ та қиын жолды басынан өткізді.

        Оның жұмысының маңызды бөлігі Қостанай облысындағы су тасқыны кезеңінде авариялық-құтқару операцияларына қатысу болды. Әріптестерімен бірге ол адамдар мен жануарларды эвакуациялап, оларды су тасқынынан құтқарды, гуманитарлық жүктерді апат аймақтарына жеткізді, халықты құрлықтан су тасыған жерлерден тасымалдады. Оның кәсібилігі мен жеделдігі көптеген адамдардың өмірін сақтап, зардап шеккендерге көмектесуге мүмкіндік берді.

         Ерлан су айдындарындағы рейдтерге белсене қатысады. Судағы қауіпсіздік шараларын тұрғындарға  ескертеді. Азаматтардың қауіпсіздігі және олардың   қорғалуы оның күнделікті жұмысының құндылығына  айналды.

        Мұстафин Ерлан Амангелдіұлы өзгелерге шынайы қамқорлық пен кез келген жағдайда көмектесуге дайын болу маңызды құндылықтар екенін көрсетіп, көптеген құтқарушылар мен азаматтарға үлгі бола білді.  Оның жұмысы – азаматтарды құтқару және мұқтаж адамдарға үміт пен қолдау білдіру.

Қостанай облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан