Мемлекет басшысының  Жарлығымен қызметтік борышын атқаруда жанқиярлығы, сондай-ақ еліміздегі су тасқыны кезеңіндегі көрсеткен ерлігі үшін  Сағадат Бердіғалиев мемлекеттік

награда «Ерлігі үшін»

медалімен марапатталды.

Сағадат Бердіғалиев азаматтық қорғау органдарында 2004 жылдан бастап қызмет етеді. Ақтөбе облысының ТЖД Жедел-құтқару жасағының бас құтқарушысы лауазымын атқарады. Қызмет атқарған кезеңінен бастап көптеген төтенше жағдайларға қатысып, адамдардың өмірі мен мүлкін құтқарды.

Ол Ақтөбе қаласы, Қобда және Ырғыз ауданындағы су тасқыны кезеңінде белсенді қатысты. Құтқарушы Саламат су тасқыны кезінде, су басқан аймақтан адамдарды эвакуациялап, гуманитарлық көмекті тасымалдап,  қауіпті жерлерге құм төселген қаптар қойып қауіптің бетін қайтаруға ат салысты. 28-30 наурыз аралығында Қобда өзені арқылы қайықпен Сарбұлақ кентіне 30-дан астам адамды тасымалдады, оның ішінде эвакуацияланған адамдар арасында медициналық көмекке мұқтаж жүкті әйел болды, сондай-ақ 50 литр ЖЖМ және 10 тонна азық-түлік тасымалдады. Ырғыз ауданы Жайсанбай ауылында 123 ірі қара мал басын су басып кеткен жерден қауіпсіз жерге айдап, құтқарып қалды. Сонымен қатар 2 тонна 850 литр  жанар-жағармай және 2,5 тонна гуманитарлық көмек жеткізді. 

Сағадат өз ісін жақсы көретін білікті маман, отбасындағы қамқор әке, бес баласы бар, сүйікті жар.

Ақтөбе облысы ТЖД

Қоғаммен байланыс тобы

Ақпарат көзі: Министерство по чрезвычайным ситуациям Республики Казахстан