Қазақстандағы онкогематологияның үздік мамандарының бірі, доктор Кемайкин Вадим Матвеевич медицинадағы ерекше еңбегі үшін бүгін «Қазақстанның еңбек сіңірген дәрігері»құрметті атағына ие болды.

Жоғары біліктілік санатты гематолог дәрігер, ҚР ДСМ бас штаттан тыс гематологы, Ұлттық ғылыми онкология орталығының онкогематологиялық реанимациясы бар онкогематология және сүйек кемігін трансплантаттау орталығының басшысы 30 жылдан астам уақыт бойы өзін сүйікті ісіне – емдеу кәсібіне арнады.

Елдің әйгілі онкогематологы медицинадағы осы жоғары технологиялық бағыттың қалыптасуының басында тұрды.

Вадим Матвеевичтің басшылығымен Қазақстан Республикасында алғаш рет 2010 жылы гемопоэздік дің жасушаларын аутологиялық трансплантаттау жүргізілді, ал 2012 жылдың желтоқсанында қан аурулары бар науқастарға аллогендік туыстық сүйек кемігін трансплантаттау сериясы орындалды.

Даму жылдарында Вадим Кемайкиннің басшылығымен онкогематологиялық реанимациясы бар Онкогематология және сүйек кемігін трансплантаттау орталығы 700-ден астам трансплантаттау жүргізді.

Ақпарат көзі: Министерство здравоохранения Республики Казахстан