​Ұлттық мереке – Республика күніне орай Жамбыл облысының шалғай орналасқан ауылдарында спорт нысандары халық игілігіне берілді.

​Тәтті елді мекенінде жеке инвестиция есебінен спорт кешені бой көтерді. Ауыл балалары спорттың 5 түрімен шұғылдана алады, оның ішінде қазақша күрес, еркін күрес, үстел теннисі, бокс, қол күресі бар.

​Еңселі кешеннің бой көтеруіне ауыл азаматы Бақыт Көкебаев мұрындық болған. Ол туған жерге ту тігіп, ауылдың гүлденуіне үлес қосуды перзенттік парызы санайды.

​- Ауылымызға осындай спорт кешені өте қажет болатын. Енді балаларымыз алаңсыз спортпен шұғылданып, бос уақыттарын тиімді өткізетін болады, – деген ауыл ақсақалы Белгібай Айнақұлов көпшілікке ақ батасын берді.

​Жаңа спорт нысанының арқасында 17 ауыл азаматы жұмыспен қамтылды.

​Андас батыр ауылдық округіне қарасты Гранитогор елді мекенінде ойын алаңшасы ашылып, балалар игілігіне берілді. Спорт нысанының құрылысы ауылдың даму жоспарына сәйкес жүргізілді. Оған жергілікті бюджеттен 11 млн.теңге бөлінген.​Айта кетейік, Меркі ауданында барлығы 253 спорт нысаны бар. Биыл Аңдас батыр ауылдық округінде спорттық-сауықтыру кешенінің құрылысы жүргізілуде.​Мерекеге орай Масаншы ауылдық округіне қарасты Күнбатыс-1 елді мекені су жаңа шағын футбол алаңшасымен толықты.

​Бүгінде қордайлықтардың 40,7 пайызы тұрақты түрде спортпен шұғылданады. Аудан бойынша 360 спорт нысаны жұмыс істейді.

Ақпарат көзі: КГУ «Аппарат акима Жамбылской области»