Елордада «AMANAT» партиясының «Жастар Рухы» жастар қанаты үздік волонтерлер мен белсенділерді марапаттады. 

«Рухтастар» республикалық жастар сыйлығы қоғамдық қызметте белсенділік танытып, жастар саясатының дамуына қосқан үлесі үшін жыл сайын табысталады. Биыл бұл марапат үшінші рет өткізілді.

Белгілі болғандай, «AMANAT» партиясы «Жастар Рухы» жастар қанатының кезектен тыс VI съезінде Қазақстан Президенті Қасым-Жомарт Тоқаев жастар үшін үш маңызды басымдықты атап өтті – білімге ұмтылу, еңбекқорлық және патриотизм.

Сол съезде жастар қанатын трансформациялау бағдарламасы қабылданған болатын. Мемлекет басшысының реформалар курсын қолдау мақсатында жастарды қоғамдық қызметке ынталандыру және оларды біріктіру үшін «Жастар Рухы» жастар қанаты үш жылдан бері «Рухтастар» сыйлығын ұйымдастырып келеді.

Биыл Жастар Рухы жастар қанатының Қарағанды облыстық филиалы 200-ден астам іс-шара ұйымдастырды. Жазда 3 күн ішінде 400-ден астам белсенді қатысқан ірі экологиялық road-эстафета ұйымдастырылып, 40 тонна қоқыс жиналды. Жастарды қолдау жөніндегі аймақтық кеңестің 6 отырысы өтті. спорттық және шығармашылық іс-шаралар, ғылыми және дебаттық турнирлер, Қарағанды облысы жастарының «Enbek. Bolasqaq. Damu» атты үлкен Слеті ұйымдастырылды. Биыл жастарды әскери-патриоттық тәрбиелеуге ерекше көңіл бөлінді. Жастарды жұмыспен қамту мақсатында «Жастарға жұмыс!» атты ауқымды жәрмеңке өткізілді және басқа да көптеген шаралар жүзеге асырылды.

«Жастар Рухы» Жастар қанаты – білімге ұмтылған, еңбекқор, елі мен жерін сүйетін, Отанына адал 100 мыңнан астам патриот жастардың басын біріктіретін жастар ұйымы. Жастар қанаты құрылу кезеңінде еріктілер қозғалысынан бастап ірі жастар ұйымына дейін қалыптасу жолынан өтті. «Жастар Рухы» мемлекеттің жастар қозғалысындағы негізгі күшке айналды. Ұйым елдің мемлекеттік жастар саясатын қалыптастырудың бастауында болып, оның дамуына өзіндік ықпалын көрсетті.

Ақпарат көзі: ГУ «Аппарат акима Карагандинской области»