Астанада прокуратура органдарының ардагерлері мен қызметкерлері "Халық Қаһарманы" Р.Қошқарбаевтың ескерткішіне гүл шоқтарын қойып, Ұлы Отан соғысы майданында қаза тапқан қазақстандық жауынгерлерді еске алды.

        Сонымен қатар, Бас прокуратурада Жеңіс күні мен Отан қорғаушылар күніне арналған салтанатты жиын өтті.

Ардагерлер мен прокуратура қызметкерлерін құттықтай отырып, Бас Прокурор мереке күндерінің тарихи маңыздылығын атап өтті. Бұл күндері тарихтың беттерін, батырларымыздың ерліктерін еске алу әдетке айналған.

Б.Н. Асылов майдангерлер арасында Қазақстан прокуратурасының органдарынан майданға кеткендердің аз емес екенін атап өтті. Олардың қатарында: ұлы қолбасшы Бауыржан Момышұлы, Кеңес Одағының Батырлары Нүркен Әбдіров, Мұса Баймұханов және басқалар бар. 18 жыл Қазақ КСР прокуратурасын басқарған Қызыл Жұлдыз орденінің иегері Өтеген Сейітовта ҰОС-тың қатысушысы болып табылады. Өткен жылы 100 жасқа толған біздің ардагеріміз, "Халық Қаһарманы" Иван Степанович Гапичтің жауынгерлік айбынын прокуратура мақтан тұтады.

"Біз олардың ерліктеріне тағзым етеміз және шынайы патриотизмнің үлгісі деп санаймыз. Біз майдангер ардагерлеріміз үшін шын жүректен мақтанамыз. Олар туралы жарқын естелік біздің жүрегімізде мәңгі орын алды.", - деді Бас Прокурор.

Мереке құрметіне Мемлекет басшысы прокурорлардың заңдылық пен құқықтық тәртіпті нығайтудағы еңбегін атап өтті. Президенттің Жарлығымен прокуратураның бірқатар қызметкерлері жоғары басшы құрамының сыныптық шендерімен және мемлекеттік наградалармен марапатталды.

        Сондай-ақ, Бас Прокурордың бұйрығымен прокуратура органдарының бірқатар ардагерлері мен қызметкерлері марапатталды.Бас прокуратураның баспасөз қызметі

Ақпарат көзі: Қазақстан Республикасының Бас прокуратурасы