Оқу-жаттығу-бұл ҚР ТЖМ кез келген әскери қызметшісі жұмысының  ажырамас бөліктерінің бірі. Жаттығулар кезінде жауынгерлік дайындық, төзімділік тексеріледі және басқа ведомстволармен өзара іс-қимыл жетілдіріледі.

«Жер-2024» Республикалық командалық-штабтық оқу-жаттығуларына Алматы, Қарағанды облыстары мен Абай облысының ҚР ТЖМ Азаматтық қорғаныс әскери бөлімдері қатысады. Шығыс Қазақстанға алғаш рет келген әскери қызметшілер шартты түрде жойқын жер сілкінісі кезінде зардап шеккен екі мың азаматқа арналған шатыр лагерін жаяды. 

Олар дала жағдайында өмір сүреді, бұл нақты төтенше жағдайлар кезінде қызметке барынша жақын жағдай жасайды.

Лагерьде ҚР ТЖМ әскери бөлімдерінің өмір сүруі мен тұрмысы үшін барлық жағдай жасалған. Шатырларда кереуеттер, төсек-орын жарақтары, жеке заттарды сақтауға арналған орын бар.

Таңертең-тұру, өзіңді ретке келтіру уақыты, таңғы ас, физикалық жаттығулар жасауға уақыт беріледі. Содан кейін жұмыс күндері-қызмет көрсету, алға қойылған тапсырмаларды орындау, бақылау-өткізу пунктінде кезекшілік, тәртіпті сақтау, байланысты тексеру, тіпті өзініздің жақындарыңызға қоңырау шалуға уақыт болады.

ҚР ТЖМ әскери қызметшілері жойқын жер сілкінісі кезінде, құтқарушылар сияқты, қираған ғимараттардың астынан зардап шеккендерді шығаруға қатысады, үйінділерді қазып, халыққа жан-жақты көмек көрсетеді.

Ақпарат көзі: ГУ «Аппарат акима Восточно-Казахстанской области»