2024 жылғы 1 шілдеден бастап қолданысқа енгізілген Мемлекет басшысы Жарлығымен Жоғары Сот Кеңесі Аппаратының құрылымы өзгертіліп, оның штат саны ұлғайтылды, үш жаңа бөлім құрылды.

Бүгін Жоғары Сот Кеңесінің Хатшысы - Кеңес Аппаратының басшысы Д.Б. Мұратбеков ұжымға тағайындалған екі бөлім меңгерушісін таныстырды.

Ұйымдастырушылық қамтамасыз ету және халықаралық ынтымақтастық бөлімін Г.А. Жәутікова басқарды. Мемлекеттік қызметтегі еңбек жолын 2006 жылы Білім және ғылым министрлігінде бастады, онда бас маманнан ұйымдастыру және кадр жұмысы департаменті директорының орынбасарына дейін кезекті лауазымдарды атқарды. 2014 жылдан бастап Премьер-Министр Кеңсесінің бас консультант, бақылау және құжаттамалық қамтамасыз ету бөлімінің меңгерушісі, қаржы-шаруашылық бөлімі меңгерушісінің орынбасары - үкіметтік басылымдарының бас редакторы болып жұмыс істеді. 2023 жылдан бастап қазіргі уақытқа дейін Оқу-ағарту министрлігінің стратегия және халықаралық ынтымақтастық Департаменті директорының орынбасары қызметін атқарды.

Құқықтық қамтамасыз ету және персоналды басқару бөлімін А.С. Жоламанов басқарды. Еңбек жолын 2010 жылы Көлік және коммуникация министрлігінде (қайта ұйымдастырылғаннан кейін – Индустрия және инфрақұрылымдық даму министрлігі) бастады, онда сарапшы лауазымынан бастап кадр жұмысы департаментінің директорына дейін дәйекті жұмыс істеді. 2021 жылдан бастап Төтенше жағдайлар министрлігі стратегиялық жоспарлау және ақпараттық-талдау жұмысы Департаменті директорының орынбасары қызметін атқарды. Тағайындалғанға дейін Денсаулық сақтау министрлігінің персоналды басқару Департаментінің директоры болған.

Жоғары Сот Кеңесінің Аппараты

Ақпарат көзі: Қазақстан Республикасы Жоғары Сот Кеңесі