Қ.Жұбанов атындағы Ақтөбе өңірлік университетінде еліміздегі жоғары оқу орындары өкілдерінің қатысуымен семинар өтті.

Семинарға А.Байтұрсынұлы атындағы Қостанай өңірлік университеті, Алматы энергетика және байланыс университеті, С.Торайғыров атындағы Павлодар мемлекеттік университеті, Азаматтық авиация академиясы, І.Жансүгіров атындағы Жетісу университеті, Қорқыт Ата атындағы Қызылорда университеті, Павлодар педагогикалық университеті, Батыс Қазақстан инновациялық-технологиялық университеті, М.Әуезов атындағы Оңтүстік Қазақстан университеттерінің проректорлары мен құрылым басшылары қатысты.

Жиында Жұбанов университеті Heriot-Wattхалықаралық кампусын ашу тәжірибесімен бөлісті. Семинар қатысушылар үшін тәуекелдерді талқылап, ашық пікір алмасудың және құнды тәжірибемен бөлісудің алаңына айналды.

Стратегиялық даму жөніндегі проректор Дастан Хусаинов меймандарға Жұбанов университетінің тарихын таныстырып, Heriot-Wattуниверситетімен бірлескен жобаны жүзеге асырудың кезеңдері туралы баяндады. Басқарма мүшелері қатысушылар тарапынан қойылған сұрақтарға жауап берді.

Heriot-Watt халықаралық кампусының жоба жетекшісі Ғалымжан Төлеушов қазіргі таңдаатқарылып жатқан жұмыстар жайында айтып өтті. Сонымен қатар семинар барысында қабылдау комиссиясының жұмысын тиімді ұйымдастыру, «Болашақ» бағдарламасы арқылы мамандарды даярлау, нормативтік құжаттарға енгізілген өзгерістер, оқу процесін жүзеге асыру, екі мемлекеттің стандарттарын сәйкестендіру мәселелері талқыланды.

Меймандар университет ғимараттарын аралап,Heriot-Watt халықаралық кампусымен танысты.

Ақпарат көзі: Қазақстан Республикасы Ғылым және жоғары білім министрлігі