Енді пайдаланушылар eGov.kz порталында өз жылжымайтын мүлік объектісінің мекенжайын бере немесе жоя алады.

Мекенжайды беру жылжымайтын мүлік объектісіне мемлекеттік деректер қорында кейін сәйкестендіру үшін қажет ресми мәртебе береді. Бұл ақпарат меншік иелеріне өз мүлкін заңды түрде басқаруға мүмкіндік береді. Мекенжай коммуналдық жүйелерге (электр, су, газ), интернетке, пошталық жеткізілімге және басқа да көптеген қызметтерге қосылу үшін қажет.

Қызметті алу үшін:

• eGov.kz порталында авторизациядан өтіңіз;

• «Жылжымайтын мүлік» - «Сатып алу, сату, жалдау» бөлімін таңдаңыз;

• «Жылжымайтын мүлік объектісінің мекенжайын беру/жою» қызметін таңдаңыз;

• қызметке ЭЦҚ көмегімен қол қойыңыз.

Қызмет нәтижесі - пайдаланушының жеке кабинетінде мекенжайды беру/жою туралы хабарлама-хат немесе дәлелді бас тарту.

Ақпарат көзі: ГУ «Аппарат акима города Актобе»