Отырыс шеңберінде Жоғары Сот Кеңесімен кассациялық cоттарды құруға және олардың судьяларының жалпы санын, сондай-ақ кейбір жергілікті соттардың судьяларының санын белгілеуге келісім берілді.

Сонымен қатар, Кеңес судья лауазымында шекті жасқа толғанға дейін одан әрі болу туралы зейнеткерлік жасқа жеткен жергілікті соттардың екі судьясына қатысты мәселені қарады. Қарау нәтижелері бойынша зейнеткерлік жасқа толғаннан кейін судья лауазымында болу мерзімін ұзарту бойынша судьялардың біріне бас тартылды.

Отставкаға кетуге, басқа жұмысқа ауысуға және қайтыс болуына байланысты қызметтен босатуға 13 судья ұсынылды.

Отырыста Кеңес сот алқалары төрағалары мен облыстық және оларға теңестірілген соттар судьяларының, аудандық және оларға теңестірілген соттар төрағаларының 50 бос лауазымына конкурс және іріктеу қорытындыларын шығарды. Судьялық лауазымдарға тағайындауға ұсынылған кандидаттар туралы мәліметтер Кеңес отырысының онлайн-трансляциясы кезінде жарияланды.

Сонымен қатар, Кеңес Жоғарғы Сот жанындағы Сот төрелігінің сапасы бойынша комиссия мен Кеңес жанындағы Сот жюриінің шешімдеріне шағымдану туралы екі судьяның өтініштерін қарады. Кеңестің қарау нәтижелері бойынша шешімдер негізделген деп танылды.

Тағайындауға ұсыным алған тұлғалар туралы толық ақпарат Кеңестің ресми интернет-ресурсында орналастырылды.

Ақпарат көзі: Қазақстан Республикасы Жоғары Сот Кеңесі