ҚР Стратегиялық жоспарлау және реформалар Агенттігі дәстүрлі түрде желтоқсан айының соңында өткен жылдың қорытындысын жариялауда. Төменде біз мемлекеттік орган қызметінің әрбір бағыты бойынша атқарылған жұмыс жөнінде қысқаша шолу жасауға тырыстық.

2029 жылға дейінгі Ұлттық даму жоспары әзірленіп, Президенттің 2024 жылғы 30 шілдедегі Жарлығымен бекітілді.

Агенттік Мемлекет басшысының «Экономиканы ырықтандыру жөніндегі шаралар» туралы Жарлығын әзірлеуге, сондай-ақ осы Жарлықты іске асыру шеңберінде тапсырмаларды орындауға қатысты.

Агенттік келесі бағыттар бойынша талдау жүргізіп, ұсынымдар әзірледі:

Мемлекет басшысының 2024 жылғы Жолдауының жобасына; ШЫҰ елдерінің ынтымақтастығы шеңберіндегі бастамалар жобасына; экономиканың базалық және салааралық секторлары қатысты; өңірлік даму; энергетиканы дамыту; атом энергетикасындағы шағын модульдік реакторларды дамыту; құрылысты дамыту және тұрғын үй саясаты бойынша; көлік және логистика мәселелері; агроөнеркәсіптік секторды дамыту; цифрландыру және инновациялық саясат бойынша; мұнай бағасының өзгеруі және экономика үшін тәуекелдері; мемлекеттік-жекешелік әріптестікті дамыту бойынша; 2025 жылы Жұмысшы мамандықтар жылын өткізу жөніндегі іс-шаралар жоспарының жобасына; «Жайлы мектеп» ұлттық жобасы шеңберінде салынған мектептерді басқарудың тиімді жүйесін құру жөнінде; еңбек ресурстарын болжаудың ұлттық жүйесі бойынша; білікті кадрлардың жетіспеушілігіне байланысты проблемалық мәселелер туралы; «Таза Қазақстан» экологиялық мәдениетін дамытудың 2024-2029 жылдарға арналған тұжырымдамасының жобасына және т.б.

Экономикасы ресурстарға бағдарланған дамушы елдердің әлеуметтік-экономикалық дамуына жүйелі талдау жүргізілді. 

Тұрғын үй-коммуналдық сектордың 5 жылдық кезеңдегі жай-күйі бойынша талдамалық материал дайындалып, өңірлердің (Астана қ., Алматы қ. және Қарағанды облысы) кеңістіктік-экономикалық моделін құру бойынша жұмыстар белсенді жүргізілуде.

2023 жылғы есептік кезең бойынша «Жайлы мектеп» және «Ауылда денсаулық сақтауды жаңғырту» екі пилоттық ұлттық жобалардың іске асырылу барысына мониторинг жүргізілді.

ЭЫДҰ елдері мен Қазақстанның зейнетақы жүйелерінің өзекті реформаларына талдау жүргізілді. «Әлемде және Қазақстандағы зейнетақы реформаларының дайджесті» әзірленді.

Халықаралық ынтымақтастық және шетелдік әріптестермен өзара іс-қимылды қолдау мәселелері бойынша:

Агенттік басшылығы жұмыс сапарымен Қытай Халық Республикасына барды; Агенттіктің Төраға орынбасары БҰҰ-ның ЭСКАТО Статистика комитеті бюросының төраға орынбасары болып сайланды; Агенттік пен ҚХР Мемлекеттік кеңесінің дамуды зерттеу орталығы арасында меморандум жобасы дайындалды; ҚХР Даму және реформалар жөніндегі мемлекеттік комитетімен ынтымақтастық жөніндегі жол картасы дайындалды; Агенттік пен Сауд Арабиясының халықаралық стратегиялық әріптестік орталығы (SCISP) арасындағы меморандум жобасы дайындалды; Өзбекстан Республикасы Президентінің жанындағы Стратегиялық реформалар агенттігі делегаттарының Қазақстанға сапары ұйымдастырылды; Қазақстандағы кедейлікті бағалау жөніндегі есепті дайындау кезінде Дүниежүзілік банкке консультативтік қолдау көрсетілді;    Қытайдың статистикалық кеңсесі және ислам елдеріне арналған статистикалық, экономикалық және әлеуметтік зерттеулер орталығымен (СЕСРИК) өзара түсіністік туралы меморандумдарға қол қойылды.

«Мемлекеттік статистика туралы» Заңға бастапқы және әкімшілік деректердің сапасын арттыруға бағытталған өзгерістер қабылданды.

Есептіліктің ведомстволық нысандарына тексеру жүргізілді, оның нәтижелері бойынша 662 статистикалық нысан бекітілді. Мемлекеттік органдар қалыптастыратын, әкімшілік деректерді жинау бойынша 1,5 мыңнан астам нысанды қамтитын есептіліктің бірыңғай тізілімі бекітілді.

2024 жылғы 20 тамыз бен 30 қыркүйек аралығында еліміздің 54 елді мекенінде пилоттық ауыл шаруашылығы санағы жүргізілді.

Азия Даму Банкімен бірлесіп 2025-2027 жылдарына арналған статистиканы жетілдіру бойынша арнайы бағдарлама әзірленді.

Білім беру басталамалары:

Агенттік ҚХР Даму және реформалар жөніндегі мемлекеттік комитетімен бірлесіп, Қазақстанның 11 мемлекеттік органынан 70-тен астам қызметкерлері үшін стратегиялық жоспарлау мәселелері туралы тәжірибе алмасу бойынша семинарлар өткізді.

Әл-Фараби атындағы Қазақ ұлттық университетімен ынтымақтастық шеңберінде статистика және деректерді талдау саласындағы бағдарламаның екінші деңгейі әзірленіп, Dataliteracyhub.stat.gov.kz ашық оқыту платформасында орналастырылды.

Дүниежүзілік банкпен бірлесіп цифрлық сауаттылық бойынша модульдік курс әзірленіп, оқыту платформасына орналастырылды. Платформа Қырғызстан, Тәжікстан және Өзбекстан елдерінің тыңдаушыларына да бейімделген.

М.В. Ломоносов атындағы ММУ Қазақстандық филиалымен «Заманауи экономикадағы статистика және деректерді басқару» жаңа магистрлік бағдарламасы бойынша бірлескен жоба іске асырылды.

Ақпарат көзі: Қазақстан Республикасының Стратегиялық жоспарлау және реформалар агенттігі