АЛМАТЫ ҚАЛАСЫНДА: ЖОО БЕЛСЕНДІ ЖАСТАРЫМЕН КЕЗДЕСУ ӨТТІ

Жоғары және жоғары оқу орнынан кейінгі білім беру комитеті төрағасының орынбасары Ақерке Абылайхан және Алматы қаласының студенттік омбудсмені Әділхан Төлепберген Алматы қаласы жоғары оқу орындарының белсенді жастарының қатысуымен кездесу ұйымдастырды.

Кездесу барысында студенттер басқа аймақтардан немесе елдерден келген студенттерге жаңа қалаға үйрену мен бейімделуге көмектесуге бағытталған «Welcome, Students!» атты жаңа жобаны құруды ұсынды. Ақерке Абылайхан белсенділердің бастамасын толығымен қолдап, Қазақстанның басқа өңірлері мен әлемнің түрлі елдерінен келген студенттердің бейімделуі мен жайлы өмір сүруі үшін қолайлы жағдай жасау маңызды екенін атап өтті.

Ол «Welcome, Students!» жобасы Алматы қаласының білім беру ортасындағы әлеуметтік ахуалды жақсарту жолындағы маңызды қадам болып табылатынын және студенттер арасындағы мәдени алмасу мен өзара түсіністікті дамытуға ықпал ететінін айтты.

видео

Ақпарат көзі: Қазақстан Республикасы Ғылым және жоғары білім министрлігі