Бүгін Бас Прокурордың орынбасары Ғалымжан Қойгелдиев Францияның Қазақстандағы Төтенше және Өкілетті Елшісі Сильван Гиогемен кездесу өткізді.

Жиналыс барысында қонақ қазақстандық прокуратураның мемлекеттік органдар жүйесіндегі рөлі мен орны, оның қызметінің негізгі бағыттары, сондай-ақ қолайлы инвестициялық ахуал жасау, активтерді қайтару және бизнесті құқықтық қорғау бойынша жүргізіліп жатқан жұмыстар туралы хабарланды.

Бас Прокурордың орынбасары француз тарапымен қылмыстылыққа қарсы күрес саласындағы ынтымақтастықты дамытудың маңыздылығын атап өтті. Қылмыстық істер бойынша құқықтық көмек көрсету және іздестіріліп жүрген адамдарды экстрадициялау мәселелері бойынша екіжақты өзара іс-қимылдың кейбір аспектілерін қозғады.

Сонымен қатар, қылмыстық сот ісін жүргізу саласындағы одан әрі даму перспективалары жөнінде пікір алмасты.

Франция елшісі Гиоге қылмыстық-құқықтық саладағы ынтымақтастықты нығайтуға дайын екенін білдірді.

Кездесуден кейін әңгімелесушілер екіжақты ынтымақтастық деңгейін қанағаттанушылықпен атап өтіп, оны нығайтудың одан әрі бірлескен қадамдарын белгіледі. 

Бас прокуратураның баспасөз қызметі

Ақпарат көзі: Қазақстан Республикасының Бас прокуратурасы