Мемлекеттік қызмет істері агенттігі «Мемлекеттік қызмет көрсетуші мектебі» жобасы аясында Қаржы министрлігімен бірлесе жергілікті атқарушы органдар мен аумақтық департаменттердің қызметкерлері үшін мемлекеттік қызмет көрсету мәселелері бойынша оқыту семинарын ұйымдастырды.

Іс-шараға қаржы саласының 200-ден астам маманы қатысты.

Тыңдаушыларға мемлекеттік қызмет көрсету тәртібін айқындайтын нормативтік құқықтық актілердің негізгі ережелері түсіндірілді.

Семинар барысында, Министрлік қызметкерлері банктермен және цифрлық платформалармен өзара іс-қимылды кеңейту, салық есептілігін оңтайландыру, салық төлеушілерге қызмет көрсетуді ұйымдастыру мен тәртібін регламенттейтін құқықтық актілерді өзектендіру бойынша жұмыстар жүргізу бағытында жүргізіліп жатқан жұмыстар туралы түсініктемелер берді.

Мысалы, идеологиясы адал салық төлеушілердің мүдделерін қорғауға, түсінікті, ашық, әділ және тұрақты салық саясатын қалыптастыруға бағытталған жаңа Салық кодексін іске асыруға байланысты бюрократиялық процестерді оңтайландыру мақсатында салық есептілігі нысандарын 30% - ға қысқарту жоспарлануда.

Сондай-ақ пилоттық режимде «Салықтық әкімшілендірудің интеграцияланған жүйесі» (СӘИЖ) іске қосылды, ол жақын арада 7 ақпараттық жүйені алмастырады.

Сонымен қатар, Қаржы министрлігінің Мемлекеттік қызметтер көрсету процестерін жетілдіру жөніндегі кешенді жоспарына сәйкес бизнес-процестерге реинжиниринг жүргізіледі.   

Атап өту керек, Агенттік «Мемлекеттік қызмет көрсетуші мектебі» бағдарламасына сәйкес оқыту семинарларын тұрақты түрде өткізіп, қызмет көрсетушілердің тиімді жұмысын қамтамасыз ету үшін мемлекеттік көрсетілетін қызметтердің барлық спектрін қамтитын болады.

Ақпарат көзі: Агентство Республики Казахстан по делам государственной службы