Елордалық Оқушылар сарайында «Халық заңгері» акциясы өтті. Келушілер білікті заңгерлерден, адвокаттардан және нотариустардан, сондай-ақ мемлекеттік органдар қызметкерлерінен кеңес алды, деп хабарлайды Астана әкімдігінің ресми сайты.

«Халық заңгері» акциясын ҚР Сыбайлас жемқорлыққа қарсы іс-қимыл агенттігінің елордалық департаменті ұйымдастырды.

«Акцияға 11 мемлекеттік органның – қалалық және орталық органдардың өкілдері қатысты.

Астананың заң консультанттары, қаланың адвокаттар алқасының адвокаттары және Астананың жекеше нотариустары – барлығы 76 адам қатысты. Сіз заңнамаға қатысты әртүрлі спектр бойынша кез келген сұрақ қоя аласыз. Жеке құқықтарды, тұрғын үй құқықтарын және т. б. Бұзуға қатысты», - деді Астана қаласы Әділет департаментінің халыққа құқықтық түсіндіру және заңгерлік қызмет көрсету бөлімінің бас маманы Ділмұхамет Тәжібай.

Отбасы құқығы, азаматтық даулар және Атқарушылық іс жүргізу бойынша заң кеңесшілері келушілер арасында ерекше сұранысқа ие болды.

Адамдар жеке тұлғалардың банкроттығы, декларация тапсыру, шағын қарыз, кибер алаяқтық мәселелері бойынша да жүгінді.

«Көбінесе адамдар телефон алаяқтарынан зардап шеккен жағдай бойынша жүгінеді. Олардың қатарында егде жастағы адамдар да, сонымен қатар жастар да бар. 7 млн теңге шоттан алданып қалған жас жігіт жүгінді. Ол пәтерге ақша жинаған. Біз не істеуге болатынын қарастырамыз. Ал әрбір 5-6 адам осындай айла-амалдарға тап болады», - деді «Zangerler palatasi» заң консультанттары палатасының мүшесі Тыңдаш Қалиева.

ҚР Сыбайлас жемқорлыққа қарсы іс-қимыл агенттігі алдын алу қызметі басшысының орынбасары Жігер Байділдин азаматтардың өтініштері көптеген өзекті мәселелерге қатысты екенін атап өтті.

«Бұл акция халықтың белгілі бір тобына арналмаған, мұнда кез келген адам келе алады, тіпті Астана тұрғыны болуы да міндетті емес. Бірақ тәжірибеден көріп отырғаныңыздай, мұндай акцияларға көбінесе аға буын өкілдері келеді. Акция жылына бір рет өтеді және біз оған белсенді қатысамыз. Кеңес беру тегін. Акция халық арасында үлкен сұранысқа ие», - деді ол.

Естеріңізге сала кетейік, «Халық заңгері» акциясы Қазақстанда жыл сайын өткізіліп тұрады. 2016 жылдан бастап оған 8000-нан астам үздік сарапшылар мен мемлекеттік органдардың басшылары қатысты.

Құқықтық көмекке жүгінген 165 мыңнан астам адам кеңес алды.

Ақпарат көзі: ГУ «Аппарат акима города Астана»