Халықаралық йога күніне орай Астанадағы Бейбітшілік және келісім сарайының алдындағы алаңда ниет білдіргендерген арналған ашық жаттығу өтті, деп хабарлайды елорда әкімдігінің ресми сайты.

Жаттығудың бастамашысы Үндістанның Қазақстандағы елшілігі жанындағы Yoga family Astana және Свами Вивекананда атындағы мәдени орталық болды. Іс-шара қала әкімдігі тарапынан қолдауға ие болды.

«Егер сіз денсаулығыңыз үшін не істеу керектігін білмесеңіз, йогамен айналысыңыз. Бұл сізді икемді, сау және стресске төзімді етеді. Ең бастысы, тыныс алу жүйесіне ерекше назар аударыңыз, өйткені тыныс алу тамақ пен судан да маңызды», - деді іс-шараны ұйымдастырушылардың бірі Раманатхан Сундарапандиан.

Іс-шарада түрлі жастағы келушілер болды. Нұсқаушылар жас мөлшері де, шеберлік деңгейі де маңызды емес деп санайды. Йога бәріне пайдалы.

«Ниет білдіргендердің бәрі жиналды. Басында «сурья-намаскар» жаттығулар кешенінің 108 айналымы өткізіледі, одан кейін түрлі іс-шаралар мен қойылымдар өтеді», - дейді йога оқытушысы, ерікті Айжан.

Елорда тұрғындары іс-шара бағдарламасы туралы оң пікір білдірді.

«Маған іс-шара ұнады, мұнда көптеген йога әуесқойлары жиналды, бұл маған ерекше шабыт және қуат берді», - деді елорда тұрғыны Юлия.

Ақпарат көзі: ГУ «Аппарат акима города Астана»