24 мамырда «Құтқарушы» спорт кешенінің аумағында Астана қаласының ТЖ Департаменті оқушылар арасында Жас құтқарушылардың қалалық жарыстарын өткізді, деп хабарлайды елорда әкімдігінің ресми сайты.

Салтанатты жағдайда іс-шараны ведомство бастығының орынбасары, полковник Дастан Алдабеков ашты.

Жарыс өрт-құтқару спортының барлық бағыты және өзін-өзі құтқару дағдыларына оқыту бойынша өткізілді, атап айтқанда: психологиялық тестілеу; «Визит картасы» конкурсы; «Жас құтқарушылар» командалары арасында үздік гимн, ту, нысанды киім-кешек және сөйлеу конкурсы; «Газет – жарнама қалқаны» конкурсы; алғашқы көмек көрсету; апаттық-техногендік апатты аймағындағы құтқару жұмыстары, табиғи орта жағдайындағы іздестіру-құтқару жұмыстары, су айдынындағы құтқару жұмыстары, өрт эстафетасы және тағы басқалар. Барлық стандарттарда уақытты тиімді пайдаланып қана қоймай, барлық жаттығуды дұрыс орындау қажет болды.

Жарыс қорытындысы бойынша 15 команда арасындағы табанды талас-тартыста №48 мектеп-лицейінің жас құтқарушылары жеңіске жетті, №59 мектеп-лицейінің командасы екінші орынды, ал №82 «Дарын» мамандандырылған мектеп-лицейінің жас құтқарушылары үшінші орынды иеленді. Жеңімпаздар мен жүлдегерлер грамоталармен, медальдармен, кубоктармен және бағалы сыйлықтармен марапатталды.

Жарыстың негізгі мақсаттары мен міндеттері – өскелең ұрпақпен жұмыс істеудің жаңа нысандары мен әдістерін енгізу, тіршілік қауіпсіздігі мәселелеріне, өрт немесе басқа да төтенше жағдайлар туындаған жағдайда дұрыс әрекет ету дағдыларына үйрету, зардап шеккендерге алғашқы медициналық көмек көрсету, мемлекеттік және қоғамдық ұйымдардың, педагогтердің назарын балалардың еркелігі, білмеуі салдарынан туындайтын ТЖ алдын алу проблемаларына аудару балалардың өмірлік қауіпсіздік ережелері, төтенше жағдайларда әрекет ете алмауы.

Өрт сөндіруші-құтқарушы мәнсабына ұмтылған балалардың мектепті бітіргеннен кейін ҚР ТЖМ М. Ғабдуллин атындағы азаматтық қорғау академиясына түсуге мүмкіндігі бар, ол ТЖ алдын алу және жою саласында мамандар даярлайды.

Ақпарат көзі: ГУ «Аппарат акима города Астана»