22 маусымда елордада Данияр Мақашевты еске алуға арналған жастар арасында дзюдодан халықаралық турнир өтеді, деп хабарлайды Астана әкімдігінің ресми сайты.

Жарысқа Қазақстан, Қырғызстан, Ресей, Беларусь және Өзбекстаннан 150-ге жуық дзюдошы қатысады деп күтілуде. Жарыс 20 жасқа дейінгі жастар арасында 7 салмақ дәрежесінде өтеді. Жас жігіттер 60, 66, 73, 81, 90, 100 кг және 100 келіден жоғары салмақ дәрежесінде ең мықтыларды анықтайды.

Халықаралық турнирдің жеңімпаздары ақшалай марапаттарға ие болады: бірінші орын үшін – 500 доллар, екінші орын – 350 доллар, үшінші орын – 200 доллар.

Айта кетейік, жарыс Қазақстан жастар құрамасы үшін әлем чемпионаты алдындағы дайындық кезеңі болып саналады.

алықаралық турнир Астанадағы "Beeline Arena" спорт кешенінде өтеді. Кіру тегін. Жарысты Kazakhstan Judo Team YouTube арнасында тікелей эфирде көруге болады.

Ақпарат көзі: ГУ «Аппарат акима города Астана»