Қазақстанда жыл сайын 4 маусымда аталып өтетін Мемлекеттік рәміздер күніне орай «Туымыз төрімізде» акциясы аясында елордалық үйлер еліміздің көк туымен безендірілді, деп хабарлайды Астана әкімдігінің ресми сайты.

Елорда тұрғындарына «Туымыз төрімізде» патриоттық акциясына қатысып, басты мемлекеттік рәміз – тумен Отанға деген сүйіспеншілігін білдіру ұсынылды.

Елорданың бес ауданында екі мыңнан астам ту орталық көшелердегі үйлердің балкондары мен қасбеттерін безендірді, атап айтқанда Республика даңғылы, Бауыржан Момышұлы, Мәңгілік Ел, Тұран, Бараев көшесі және т. б.

Айта кетейік, жалаулармен безендірілген үйлердің тұрғындары «Туымыз төрімізде» акциясын көтеріңкі көңіл күймен қабылдады.

«Бұл өте жақсы акция, ол біздің мемлекеттік туымызды танымал етуге және жастарға патриоттық тәрбие беруге ықпал етеді. Біздің қаламыздың барлық тұрғындары бұл акцияны қолдайды деп ойлаймын», - деді елорданың Алматы ауданының тұрғыны Серік Ибраев.

Сарыарқа ауданының тағы бір тұрғыны Динара Ахметова акция астаналықтарға өздерінің патриоттығы мен немқұрайлылығын да көрсететінін атап өтті. «Бұл – жақсы дәстүр. Астаналық ретінде мен бұл идеяны қолдаймын», - деді Баужан Момышұлы атындағы даңғылда тұратын Қуандық Серіков.

Айта кетейік, «Мемлекеттік рәміздер туралы» Заңға өзгерістер 2020 жылдың қараша айында енгізілді.

Бүгінде «Қазақстан Республикасының Мемлекеттік Туын жеке және заңды тұлғалар ғимараттарда (тұрғын үйлер мен тұрғын жайларда), оның ішінде балкондарда және салтанатты іс-шаралар өткізілетін орындарда патриоттық сезімді, қазақстандық бірегейлікті білдіру, елдің, оның азаматтарының жетістіктерін қолдау мақсатында пайдалана алады (орнатады, орналастырады)» деген тармақ кез келген қазақстандыққа отансүйгіштік пен ел үшін мақтаныш білдіру үшін мемлекеттік рәмізді пайдалануға мүмкіндік береді.

Жалғыз шарт — Мемлекеттік рәміздер стандарттарының сақталуы. Бұл дегеніміз, жалауша жыртылмауы керек, оны шегелеуге, қайшымен кесуге және т. б. болмайды.

Ақпарат көзі: ГУ «Аппарат акима города Астана»