Татарстан астанасы Қазан қаласында жыл сайынғы «Ресей – Ислам әлемі: KazanForum» халықаралық экономикалық форумы жұмысын бастады.

Оның жұмысына Қазақстан Республикасы Бас прокуратурасының делегациясы қатысты.

Экономикалық қауіпсіздік кепілдіктері және Ислам әлемімен бизнес байланысын кеңейту жағдайында қауіп-қатерлерді тоқтату мәселелері бойынша панельдік талқылау аясында Қазақстан Республикасы Бас Прокурорының орынбасары Ғалымжан Қойгелдиев сөз сөйледі.

Ғ.М. Қойгелдиев ел Президенті Қ.Қ.Тоқаевпен бизнесті қолдау мен қорғау, инвестиция тарту мәселелеріне жіті көңіл бөлінетінін атап өтті.

Панельдік талқылау қатысушыларына Қазақстанда кәсіпкерлерді қорғау, оның ішінде заңнамалық сипаттағы қабылданып жатқан шаралар, инвестициялық жобаларды қолдау бойынша қазақстандық жоғары қадағалау органының тәжірибесі, заңдылықтың бұзылуының жолын кесу үшін енгізілетін цифрлық құралдар туралы ақпарат берілді.

Сонымен қатар, іс-шарада қазақстандық делегация ресейлік және әзірбайжандық әріптестермен екіжақты кездесулер өткізді.

Бас прокуратураның баспасөз қызметі

Ақпарат көзі: Қазақстан Республикасының Бас прокуратурасы