Қазақстан Республикасы Ауыл шаруашылығы министрлігі (ҚР АШМ) Жануарлардың денсаулығын қорғау жөніндегі дүниежүзілік ұйымның (ЖДҚЖДҰ) жердегі жануарлардың Санитариялық Кодексінің талаптарына сәйкес келетін елдің ветеринарлық жүйесін дамыту бойынша белсенді жұмыс істеуде.

ҚР АШМ РФ Россельхознадзорымен, ҚХР Бас кеден басқармасымен, Беларусь Республикасының Ветеринарлық және азық-түліктік қадағалау департаментімен, Түркияның Ауыл шаруашылығы және Орман шаруашылығы министрлігімен өзара іс-қимылды табысты жолға қойды.

Жемісті жұмыстың арқасында 2024 жылы бірқатар шектеулерді алып тастауға қол жеткізілді:Қаңтар айында Ресей Қазақстанның оңтүстік-шығыс өңірлеріне қатысты аусыл бойынша шектеулерді алып тастады.

Ақпан айында Қытай аусыл бойынша оңтүстік-шығыс өңірлерге және құс тұмауына қатысты шектеулерді алып тастады.

Кейінірек, маусым айында Түркия Қазақстанның барлық аумағында аусыл, құс тұмауы және нодулярлық дерматитке қатысты шектеулерді алып тастады.Сондай-ақ 10 қыркүйекте Беларусь аусыл мен құс тұмауы бойынша шектеулерді алып тастады.

Бұл шектеулерді алып тастау Қытай, Беларусь, Ресейге ет және ет өнімдерін экспорттауды жаңғыртуға, сондай-ақ Түркияға жеткізу үшін ветеринарлық талаптарды келісу процесін бастауға мүмкіндік берді.

Осылайша, маусым айында салмағы 20 тонна сиыр етінің алғашқы партиясы жөнелтілді. Сонымен қатар, Қытайдың электрондық жүйесінде басқа да қазақстандық кәсіпорындарды тіркеу бойынша жұмыс жүргізілуде.

2024 жылға үшінші елдердің тізіліміне 149 қазақстандық кәсіпорын енгізілді, бұл республиканың жоғары экспорттық әлеуетін айғақтайды.

Қазақстанда ветеринарлық қауіпсіздікті сақтау нәтижесінде Әзірбайжан, Марокко және Моңғолия сияқты елдермен ветеринарлық сертификаттардың жаңа нысандарын келісуге қол жеткізілді. Сондай-ақ Жапония, Малайзия, Иран, Ирак, Грузия, ЕО, БАӘ және басқа да елдермен келіссөздер жалғасуда.

ҚР АШМ ветеринария саласында халықаралық шарттар жасасу бойынша жұмысты жалғастыруда. Биыл Royal GD (Нидерланды) компаниясымен және Тәжікстан Республикасының Азық-түлік қауіпсіздігі комитетімен келісімге қол жеткізілді. Сербия, Иордания, Моңғолия және Вьетнаммен шарттар жасасу сатысында. Қазақстан оңтүстік-шығыс өңірлер үшін вакциналау аусылы бойынша өз мәртебесін растады, сондай-ақ шошқаның классикалық обасынан азат ел мәртебесін қалпына келтірді. 2024 жылы ЖДҚЖДҰ шошқаның африкалық обасы мен жылқылардың африкалық обасынан азат ел ретінде Қазақстанның өзіндік декларациясын жариялады. Солтүстік-батыс өңірлер үшін осындай мәртебе алу және жоғары патогенді құс тұмауы бойынша жұмыс жүргізілуде.

Ақпарат көзі: Министерство сельского хозяйства Республики Казахстан