Д.СЕРІКБАЕВ АТЫНДАҒЫ ШҚТУ ENACTUS KAZAKHSTAN BUSINESS SUMMER CAMP 2024 ЖАЗҒЫ БИЗНЕС-ЛАГЕРІН ӨТКІЗУДЕ

Enactus Kazakhstan және Д.Серікбаев атындағы ШҚТУ мен SDI Alumni Club түлектерінің қауымдастығымен бірлесіп ұйымдастырған Enactus Kazakhstan Business Summer Camp 2024 жазғы бизнес-лагері басталды.

Биыл лагерьге Қазақстанның 23 білім беру мекемесінің студенттері мен оқытушылары, соның ішінде еліміздің жетекші университеттері мен колледждері қатысуда.

Лагерь бағдарламасы қаржылық сауаттылық, IT жүйелері, кәсіпкерлік және тұрақты даму бойынша семинарлар мен тренингтерді қамтиды. Консультациялар мен мастер-класстарды жетекші сарапшылар мен Enactus Kazakhstan өкілдері өткізеді. Іс-шараның негізгі спикерлері қатарында Альбина Ержанова (Enactus Kazakhstan Президенті), Нұрбол Мамырханов (EKTU түлектерімен жұмыс жөніндегі ректордың кеңесшісі), Ерлан Кәрімов (Enactus Kazakhstan академиялық кеңесінің мүшесі), Аружан Мырхиева (Enactus Kazakhstan вице-президенті) және тағы басқалар. Лагерь қатысушылар арасында білім, идеялар мен тәжірибе алмасудың бірегей алаңына айналады, сондай-ақ көшбасшылық пен кәсіпкерлік қабілеттердің жаңа қырларын ашуға мүмкіндік береді.

Жазғы лагерь 27 шілдеге дейін өз жалғасын тауып, қатысушыларға өздерінің кәсіпкерлік дағдыларын, көшбасшылық қабілеттерін және командада жұмыс істеу қабілетін дамытуға бірегей мүмкіндік береді.

видео

Ақпарат көзі: Қазақстан Республикасы Ғылым және жоғары білім министрлігі