Францияның Лимож қаласында пара жүзуден әлемдік серия жарысы өтті. Айтулы бәсекеде Астана қаласының қос пара спортшысы өнер көрсетіп, жеңіс тұғырынан көрінді, деп хабарлайды елорда әкімдігінің ресми сайты.

Атап айтқанда, төртінші класта өнер көрсеткен астаналық Әли Тұрғанбеков күміс жүлдегер атанды. Ал Ерсұлтан Наметуллаев тоғызыншы класта өнер көрсетіп, үздік үштікке ілініп, қола жүлдені еншіледі.

Айта кетейік, аталған дода – астаналық спортшылардың халықаралық дәрежедегі алғашқы жарысы.

«Бұл – менің халықаралық деңгейдегі алғашқы жарысым. Өте қуаныштымын. Дайындығым жақсы болды. Алдағы уақытта бұдан да биік шыңдарды әлі талай бағындыратын боламыз», - деді күміс жүлдегер Әли Тұрғанбеков.

Ақпарат көзі: ГУ «Аппарат акима города Астана»