Мемлекеттік қызмет істері агенттігі «Мемлекеттік қызмет көрсетуші мектебі» жобасы аясында Денсаулық сақтау министрлігімен бірлесе жергілікті атқарушы органдардың қызметкерлері үшін мемлекеттік қызмет көрсету мәселелері бойынша оқыту семинарын ұйымдастырды.

Іс-шараға денсаулық сақтау саласының 250-ден астам маманы қатысты.

Тыңдаушыларға медициналық-санитариялық алғашқы көмек көрсететін медициналық ұйымға бекіту, санитарлық-эпидемиологиялық қорытындылар беру саласындағы мемлекеттік қызметтерді көрсету тәртібін айқындайтын нормативтік құқықтық актілердің негізгі ережелері, сондай-ақ  ақпараттық жүйелерді өзектендіру мәселелері түсіндірілді.

Қатысушылар мемлекеттік қызмет көрсету тетіктері мен алгоритмдерін жақсартуға бағытталған ұсыныстар мен ескертулерін айтты. Мемлекеттік қызметті көрсетушілер белгіленген әкімшілік-аумақта тұрмайтын адамдардың емханаларға (шетелге тұрақты тұруға кеткен адамдар, ішкі көші-қон жүзеге асыратын адамдар) тіркелуіне қатысты проблемалық мәселе айтылды.

Осы орайда, Агенттік Денсаулық сақтау министрлігіне азаматтардың ішкі көші-қонын жүзеге асыру кезінде жаңа тұрғылықты жерінде (облыс, республикалық маңызы бар қала, ауыл) тіркелгеннен кейін, тиісті әкімшілік аумақтық медициналық ұйымдарда проактивті тәсілмен автоматты түрде тіркеуді жүзеге асыруды ұсынды.

Атап өту керек, Агенттік «Мемлекеттік қызмет көрсетуші мектебі» бағдарламасына сәйкес оқыту семинарларын тұрақты түрде өткізіп, қызмет көрсетушілердің тиімді жұмысын қамтамасыз ету үшін мемлекеттік көрсетілетін қызметтердің барлық спектрін қамтитын болады.

Ақпарат көзі: Агентство Республики Казахстан по делам государственной службы